Монголын Таеквондогийн Холбоо нь Монгол Улсад таеквондогийн спортыг хөгжүүлэх, тамирчдыг бэлтгэх, улсын болон олон улсын тэмцээн уралдаанд оролцуулах, тэмцээн зохион байгуулах чиглэлээр үйл ажиллагаа явуулдаг үндэсний спортын холбоо юм. Тус холбоо нь World Taekwondo болон Asian Taekwondo Union-ийн гишүүн бөгөөд кёруги, пүмсэ болон пара таеквондогийн төрлийг хөгжүүлж байна. Монголын тамирчид тив, дэлхийн болон олимп, паралимпийн түвшинд амжилт гаргаж, таеквондог Монгол Улсад түгээн хөгжүүлэхэд хувь нэмэр оруулж байна.