Шатар: Монголын шатрын эрэгтэй ИХ МАСТЕРУУД

1 сарын өмнө Нийтлэгч: 290

Хэдхэн хоногийн өмнө Монгол Улс шатрын найм дахь эрэгтэй их мастертай болсон билээ. Д.Батсүрэн эрэгтэй найм дахь, түүний дотор хамгийн залуудаа их мастерын болзол хангасан шатарчин болсон юм.

Манай улсад хамгийн анх гавьяат тамирчин Б.Хатанбаатар 1999 онд шатрын их мастер цолд хүрч байв. Түүнээс нэг их удалгүй Д.Шаравдорж дараагийн их мастераар тодорч, хуучин зууны төгсгөлд Монгол Улс хоёр их мастертай болж байлаа.

Тэдний араас 13 жилийн дараа Ц.Батчулуун гурав дахь эрэгтэй их мастераар тодорч, жилийн дараа Б.Гүндаваа шатрын оргил цолонд хүрсэн юм. Ийнхүү дөрвөн их мастертай багагүй хугацаа өнгөрсний эцэст энэ онд дөрвөн их мастертай боллоо.

Өнгөрсөн хоёрдугаар сард болсон шатрын 90 дэх удаагийн конгрессоор С.Билгүүн тав дахь их мастер болсон бол араас нь Г.Мөнхгал, У.Насанжаргал нар уг цолонд хүрэв.

Тэгвэл энэ сарын 1-6-нд болсон шатрын 91 дэх удаагийн конгрессоор 16 настай Дамбасүрэнгийн Батсүрэн их мастер цол авсныг баталсан юм. Ийнхүү нэг жилд дөрөв, нийт Монголын найм дахь эрэгтэй Их Мастер болсон төрсөн билээ.

Д.Батсүрэн 16 насандаа буюу Монголын хамгийн залуу Их Мастер болсон

Монголын шатрын эрэгтэй ИХ МАСТЕРУУД:

Орхон аймаг, Эрдэнэт хотын уугуул, “Дагшаахүү” шатрын клубын тамирчин, БЗД-ийн 33-р сургуулийн сурагч, ОУМ Д.Батсүрэн нь одоогоор дэлхийд чансаагаар 2504 оноогоор 759-д, Ази тивд 106, Монголдоо хоёрдугаарт жагсаж байна. Монгол шатарчдыг чансаагаар Ц.Батчулуун 2536 оноогоор манлайлдаг. Харин дэлхийн чансааг Норвегийн супер их мастер Магнус Карлсен 2862-оор тэргүүлж буй.

Түүнчлэн Д.Батсүрэн нь өсвөрийн чансаагаар шилдэг 100-д багтаж буй одоогоор цор ганц эрэгтэй монгол шатарчин юм. Тэрбээр дээрх чансаагаараа өсвөрт 61-д жагссан. Залуучуудын ангилалд Ираны шатарчин Алиреза Фирузжа 2749 оноогоор тэргүүлдэг.

Сүүлд нэмэгдсэн

Токио 2020: Олимп цуцлагдах уу?

Токиогийн олимп болох эсэх нь спорт сонирхогчдын анхаарлыг татсан сэдэв болов. Японы Засгийн газрын зүгээс олимпыг зохион байгуулахаас татгалзах асуудлаар… Дэлгэрэнгүй …

Талбайн теннис: Цар тахал ба Австралийн нээлттэй тэмцээн

Талбайн теннисийн хамгийн нэр хүндтэй дөрвөн Их Дуулгын нэг болох Австралийн нээлттэй тэмцээн ирэх сарын 8-21-нд болно. Цар тахлын хүнд… Дэлгэрэнгүй …

NBA: Аль баг хамгийн баян бэ?

Мэргэжлийн багууд яаж ашиг, орлого олж, үнэ цэнээ өсгөөд байдаг юм бол?, энэ асуултын хариултыг олохоор олон ч судалгаа болон… Дэлгэрэнгүй …

Токио 2020: Олимпийн хувь заяа хэрхэх вэ?

Японы парламентийн шинэ чуулган дээр Ерөнхий сайд Ё.Суга нь хойшлогдсон наадмыг заавал зохион байгуулах түүхэн үүрэгтэй гэдгээ дурьдаад, цар тахлыг… Дэлгэрэнгүй …

БОКС: Төгсцогтын өрсөлдөгч хэн бэ?

Монгол Улсын гавьяат тамирчин, сонирхогчдын боксын олимп, дэлхийн мөнгөн медальт, мэргэжлийн боксын IBO холбооны 57,2 кг-ийн дэлхийн аварга болж, WBC… Дэлгэрэнгүй …