Алена Косторная ОХУ-ын шилдэг тамирчин боллоо

12/24/2020 Нийтлэгч: 508

ОХУ-ын спортын сэтгүүлчдийн санал асуулгаар оны шилдэг тамирчнаар уран гулгагч Алена Косторная тодорлоо.

Оросын оны шилдэг тамирчнаар 17 настай уран гулгагч Алена Косторная тодров. Тэрбээр энэ онд Европын АШТ-д түрүүлж, Москвад болсон Гранпри тэмцээнээс мөнгөн медаль хүртсэн юм.

Харин оны шилдэг дасгалжуулагчаар дугуйн спортын төлөөлөгч Александер Кузнецов, оны шилдэг багааAр 2020 оны шатрын олимпиадын аварга болсон ОХУ-ын шатрын шигшээ баг тус бүр тодорчээ.

ОХУ-ын шилдэг 10 тамирчинд ДАШТ-ээс мөнгө, Европын хошой аварга болсон дугуйчин Анастасия Войнова, тивийн хошой аварга, дугуйчин Дариа Шмелева, чарганы дэлхийн хошой аварга Екатерина Катникова, чаргачин Роман Репилов, мэргэжлийн теннисчин Данийл Медведев, Андрей Рублёв, паралимпын тамирчин Константин Курохтин, мэргэжлийн боксчин Александер Поветкин, хөнгөн атлетикийн Анжелика Сидорова нар багтжээ.

Уран гулгагч Алена Косторная

Энэ жил тун одтой байсан уран гулгагч Алена Косторная ДАШТ-д ч түрүүлэх өндөр магадлалтай байв. Гэвч цар тахлын улмаас дэлхийн тэмцээн хойшлогдсон. Харамсалтай нь, Алена өөрөө ч цар тахалд өртөж, тэмцээнээс завсарлага авахад хүрчээ.

Энэ долоо хоногт болох ОХУ-ын уран гулгалтын АШТ-д Пёнчаны олимпын алт, мөнгөн медальт Алина Загитова, Евгения Медведева нар өнжиж буй. Тэдний араас А.Косторная нэмэгдсэн юм. Олимпын аварга А.Загитовагийн хувьд өнгөрсөн оны арванхоёрдугаар сараас хойш түр завсарлага авсан тул энэ удаагийн улсын аваргад оролцохгүй. Түүний гол өрсөлдөгч Е.Медведева бие нь тааруу, өнгөрсөн арваннэгдүгээр сараас хойш эмнэлэгт хэвтсэн тул тэмцээнд оролцох бэлтгэл хангалтгүй гэж үзээд тус тэмцээнийг өнжих шийдвэр гаргасан билээ. Е.Медведева эмнэлэгт хэвтэж байхдаа ковидын халдвар авсан юм.

Сүүлд нэмэгдсэн

Залуучуудын аварга шалгаруулах тэмцээн 2020 – хоёр дахь өдөр

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” хоёр өдрийн фото агшин. Эмэгтэй:… Дэлгэрэнгүй …

Жүдо бөхийн Залуучуудын УАШТ 2020

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” эхний өдрийн фото агшин. Эмэгтэй:… Дэлгэрэнгүй …

ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны… Дэлгэрэнгүй …

Э.Содномпилжээ, М. Уранцэцэг нарт Монгол улсын хөдөлмөрийн баатар цол олголоо

Монгол Улсын Ерөнхийлөгч У.Хүрэлсүх зарлиг гарган Үндэсний шигшээ багийн тамирчин, “Токио-2020” зуны паралимпын наадмын Пауэрлифтингийн төрөлд дэлхийн дээд амжилтыг шинэчлэн… Дэлгэрэнгүй …

Ц.Сүхбат, Б.Мөнхжин нар түрүүлэв

Улаанбаатар хотын аварга шалгаруулах эрэгтэйчүүдийн 43, эмэгтэйчүүдийн 27 дахь удаагийн зуун буудалт даамын тэмцээн энэ сарын 6-7-ны өдрүүдэд “Монгени” цогцолбор… Дэлгэрэнгүй …