Хөлбөмбөгийн ЕАШТ цар тахлын улмаас бүтэн жил хойшилсоны эцэст энэ оны зургадугаар сарын 11-нээс долдугаар сарын 11-ны хооронд буурал тивийн 12 улсын 12 цэнгэлдэхэд зохион байгуулагдах болсон билээ.

Энэ удаагийн ЕАШТ-ий нээлтийн тоглолт Италийн Ром хотын “Стадио Олимпико” цэнгэлдэхэд болно. Зургадугаар сарын 11-нд болох тус тоглолтод цэнгэлдэх 25 хувийн дүүргэлттэй явагдах болсоныг зарласан юм. Тасалбар авсан үзэгчид Италийн засгийн газраас гаргасан цар тахлын үед баримтлах дүрэм журмыг мөрдөх хэрэгтэйг анхааруулжээ.

Энэ удаагийн тэмцээний хагас шигшээ болон шигшээ тоглолт Английн алдарт “Вэмбли” цэнгэлдэхэд болох аж. Эдгээр тоглолтууд цэнгэлдэх дүүрэн үзэгчидтэй болох магадлал өндөр байгаа юм. Учир нь Британид тахлын эсрэг вакцинжуулалтад зорилтот хүн амын талаас илүү хувь нь хамрагдсан бөгөөд засгийн газраас гаргасан төлөвлөгөө тодорхой, иргэд нь ч дуулгавартай дагаж байгаа гэнэ.

Европын шилдэг 24 баг бүтэн сарын хугацаанд 51 тоглолтыг зохион байгуулах цэнгэлдэхүүд

Хот	Цэнгэлдэх	Багтаамж
Амстердам	Johan Cruyff Arena	54,990
Баку	Olympic Stadium	68,700
Бухарест	Arena Națională	55,600
Будапешт	Puskás Aréna	67,215
Копенхаген	Parken Stadium	38,065
Гласгов	Hampden Park	51,866
Лондон	Wembley Stadium	90,000
Ром	Stadio Olimpico	70,634
Сант Петерсбург	Krestovsky Stadium	68,134
Мюнхен	Allianz Arena	75,000
Дублин	Aviva Stadium	51,700
Билбао	San Mamés	52,332

Бэлтгэсэн: Г.Дарханбаяр