Сүмогийн дэвжээн дээр гэмтсэн залуу нас баржээ

05/03/2021 Нийтлэгч: 624

Японы мэргэжлийн сүмо бөхийн тамирчин Хибикирю өнгөрөгч гуравдугаар сарын 26-ны өдөр гэмтэл авч эмнэлэгт хүргэгдсэн билээ.

Барилдааны үеэр толгойгоороо унасан түүнд түргэн тусламжийг шуурхай хүргэж чадаагүй юм. Учир нь сүмод эмч нарыг дэвжээний хажууд суулгадаггүй бөгөөд бөхчүүдийг унасныхаа дараа өөрсдөө босч ирэхийг хүлээдэг уламжлалтай аж. Иймээс тэрбээр дэвжээн дээр хэдэн минутын турш тусламж авч чадалгүй хэвтжээ. Үүний дараа эмнэлэгт хүргэгдэж, биеийн байдал нь сайжирч байсан боловч өнгөрөгч лхагва гарагт түүнийг нас барсан тухай сүмо бөхийн холбооноос мэдээлэллээ. Энэ мэдэгдэлдээ “ Хибикирю амьсгалын замын цочмог дутагдлын улмаас нас барсан бөгөөд энэ нь түүний гэмтэлтэй  холбоотой эсэх нь тодорхойгүй байна. Түүний сүнс тайван амгалан байх болтугай, гүн эмгэнэл илэрхийлье” гэв.

Тэгвэл 20 жилийн турш бөхчүүдийг эмчилж байсан зүү төөнөгч, массажист Хидео Ито “Тэр үргэлж сайхан инээмсэглэдэг, бусдыг бодож явдаг гайхалтай бөх байсан” хэмээн дурсжээ. Мөн түүнийг унахдаа нуруугаа гэмтээсэн байж болзошгүй. Иймээс эмч нар үргэлж бэлэн байгаасай гэж уриалсан байна.

Талийгаач Хибикирюгийн жинхэнэ нэрийг Мицүки Амано гэдэг бөгөөд 2011 онд спортын гараагаа эхэлж байжээ. Тэрбээр санданмэ зиндааны 24-т бичигдэж байсан нь дээд амжилт аж.

Тэгвэл энэ өдрүүдэд яагаад түүнд шуурхай түргэн тусламжийг үзүүлж чадаагүй вэ хэмээн хэвлэлээр шуугьж байна. Энэ талаар сүмогийн хэвлэлийн төлөөлөгч “Яаралтай түргэн тусламжийн системийг хэрхэн сайжруулах талаар бид албан ёсоор шийдвэр гаргана” хэмээн мэдэгджээ.

Сүүлд нэмэгдсэн

“KING TUG”-ийн тулааны тов тодорлоо

Монгол Улсын гавьяат тамирчин, сонирхогчдын боксын олимп, дэлхийн мөнгөн медальт “King TUG” Нямбаярын Төгсцогт мэргэжлийн рингэн дэх ээлжит тулаанаа 2021… Дэлгэрэнгүй …

“Токио-2020” олимптой холбоотой 100 баримт 76-100

Токио-2020 олимпийн наадмыг зохион байгуулах Япон улс болон олимпийн тухай “Таны мэдэх ёстой 100 баримт”-ын хоёр дахь цувралыг хүргэж байна…. Дэлгэрэнгүй …

UFC VEGAS 26: Доналд “Ковбой”Серроне хоёр жилийн дараа дахин ялах уу?

UFC-тэй хийсэн гэрээнд заасны дагуу сүүлийн удаа тулалдахаар бэлтгэж байсан Диего Санчесийн гэрээг холбооноос өнгөрсөн долоо хоногийн сүүлээр цуцалсан билээ. Харин түүний өрсөлдөгч… Дэлгэрэнгүй …

Эмэгтэйчүүдийн аваргуудын лигийн финал: Челси – Барселона

УЕФА-гийн эмэгтэйчүүдийн аваргуудын лигийн шигшээд шалгарсан “Челси”, “Барселона”-гийн тоглолт Шведийн Готенбургын “Гамла Уллеви” цэнгэлдэхэд болно. Хоёр багийн аль нь ч… Дэлгэрэнгүй …

Хоккейн өсвөрийн ДАШТ: Хагас шигшээд оролцох багууд тодорлоо

22 дахь удаагийн Хоккейн өсвөрийн ДАШТ АНУ–ын Техас мужид зохиогдож байгаа билээ. Тавдугаар сарын дөрөвний өдөр шөвгийн дөрөвт үлдсэн багуудын… Дэлгэрэнгүй …