Япон дахь монголчуудын Хаврын баяр энэ удаа өнжихгүй

05/02/2021 Нийтлэгч: 641
Хаврын баяр 2021
Хаврын баяр 2021

1999 оноос хойш жил бүр уламжлал болон явагдаж буй Япон дахь монголчуудын Хаврын баяр аргаа хэмжээ нь наран улсад амьдарч, ажиллаж, суралцаж байгаа монголчуудын хамгийн том баяр юм. Цар тахлын улмаас энэ жил цахимаар явагдах боллоо.

Өнгөрсөн жил цар тахлын улмаас цуцлагдсан тус баярыг энэ жил цахимаар зохион байгуулахаар болжээ. Цар тахлын аюул намжаагүй байгаа ч энэ жил баярыг заавал зохион байгуулах болсон нэгэн том шалтгаан бол Токио-2020 олимпийн наадам юм.

Жил бүрийн Хаврын баярын арга хэмжээний томоохон хэсэг нь спортын тэмцээн уралдаан байдаг. Манай алдарт сүмо бөхчүүд бөх, уралдаан зэрэг спортын тэмцээнийг ивээн тэтгэж, шагнал гардуулдахын сацуу зарим үед өөрсдөө ч барилддаг уламжлалтай. Нэг жил хойшлогдсон Токиогийн олимпийн наадам долдугаар сарын 23-наас наймдугаар сарын 8 хүртэл үргэлжилнэ.

Шинэ төрлийн коронавирусын халдвараас сэргийлэн, энэ удаад олимпийн наадамд гадаадын үзэгчдийг хүлээн авахгүй болсон. Харин дотоодын үзэгчдийг цэнгэлдэх хүрээлэнд оруулах эсэхийг ирэх зургадугаар сард шийдэх юм. Хэрэв дотоодын спорт сонирхогчдод олимпийн наадмыг үзэх зөвшөөрөл олгох юм бол манай олимпийн шигшээ багийг дэмжих гол дэмжигчид Японд аж төрж байгаа монголчууд, Монгол улсыг дэмжин, хамтран ажилладаг япончууд болох учиртай билээ. Энэ утгаараа энэ жилийн Хаврын баяр манай тамирчдын хувьд чухал үйл явдал болж байна.

Хаврын баярт манай улсын иргэдээс гадна Монголд элэгтэй япончууд, монголын шигшээ багийг олимпийн үеэр хүлээн авах хотын төлөөлөгчид оролцох болно. Их аварга Хакүхо М.Даваажаргал тэргүүтэй сүмочид болон Монгол улсаас Токитэнкү А.Хүчитбаатар агсны гэр бүл оролцох юм.

  • Японы Намэгата хот – Хүндийг өргөлт,
  • Яхико – Байт харваа,
  • Изүмисано – Хөнгөн атлетик,
  • Сакүрагава – Буудлага,
  • Имабэцү – туялзуур сэлэм,
  • Изүнокүни – жүдо,
  • Шимада хот – Бокс, ширээний теннисний багийг хүлээн авч, дэмжихэд бэлэн болоод байгаа.

Энэхүү баярт Монголын Үндэсний Олимпийн Хорооны Ерөнхийлөгчийн үүрэг гүйцэтгэгч, дэд ерөнхийлөгч Чойжгаваагийн Наранбаатар мэндчилгээ илгээлээ.

Эх сурвалж: Монголын Үндэсний Олимпийн Хороо – MNOC

Сүүлд нэмэгдсэн

Залуучуудын аварга шалгаруулах тэмцээн 2020 – хоёр дахь өдөр

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” хоёр өдрийн фото агшин. Эмэгтэй:… Дэлгэрэнгүй …

Жүдо бөхийн Залуучуудын УАШТ 2020

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” эхний өдрийн фото агшин. Эмэгтэй:… Дэлгэрэнгүй …

ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны… Дэлгэрэнгүй …

Э.Содномпилжээ, М. Уранцэцэг нарт Монгол улсын хөдөлмөрийн баатар цол олголоо

Монгол Улсын Ерөнхийлөгч У.Хүрэлсүх зарлиг гарган Үндэсний шигшээ багийн тамирчин, “Токио-2020” зуны паралимпын наадмын Пауэрлифтингийн төрөлд дэлхийн дээд амжилтыг шинэчлэн… Дэлгэрэнгүй …

Ц.Сүхбат, Б.Мөнхжин нар түрүүлэв

Улаанбаатар хотын аварга шалгаруулах эрэгтэйчүүдийн 43, эмэгтэйчүүдийн 27 дахь удаагийн зуун буудалт даамын тэмцээн энэ сарын 6-7-ны өдрүүдэд “Монгени” цогцолбор… Дэлгэрэнгүй …