Т.Тансыккужина: WADA-гийнхан даамын спортын онцлогийг ойлгоогүй

05/03/2021 Нийтлэгч: 38

Биатлоны тухай нэвтрүүлгүүдээрээ нэрд гарсан “Матч ТВ”-ийн хөтлөгч Дмитрий Губерниев дэлхийн аварга цолоо хамгаалах тоглолтыг хийж буй Оросын их мастер Тамара Тансыккужинатай ярилцжээ.

– Дэлхийн аваргын алдрыг эх орондоо авчрах боломж хэр байна даа?
– Энэ тухай л бодож байна. Боломжийн хувьд тэнцүүхэн.
– Тоглож байхад чинь гэнэт ширээн дээрх далбааг хурааж авахад гайхсан уу?
– Тэгэлгүй яахав. Яг тэр үед хувилбар тооцоолоход гол анхаарлаа хандуулсан байсан болохоор юу болж байгааг ойлгоогүй. Харин далбааг ширээн дээрээс хураах мөчид ерөнхийд нь ойлгосон. Ерөнхий шүүгч тоглолтын дундуур ийм алхам хийхийг эсэргүүцсэн ч яах аргагүй хүчинд автсан гэдгийг нь тоглолтын дараа мэдсэн. WADA-гаас шахалт үзүүлсэн тул ийм үйлдэл хийсэн гэдгээ зохион байгуулагчид тайлбарлаад надаас уучлалт гуйсан.
– Тэр мөчид та юу мэдэрсэн бэ?
– Чин сэтгэлээсээ уучлалт гуйсан тул хүлээж авсан. Би тэр хүнийг маш сайн мэднэ. Тэр бол даамын томоохон зүтгэлтэн, энэ спортын төлөө ихийг хийсэн хүн. Олон польшчууд ч энэ байр суурийг дэмжээгүй гэдгийг ч мэднэ. Нэгдүгээрт, зочдод ингэж хандах нь муухай гэдгийг, хоёрдугаарт, даамын спорт хэзээ ч допингтой холбоогүй гэдгийг тэд илэрхийлж байсан. Дахин хэлэхэд тэмцээн одоо ч гэсэн нөхөрсөг уур амьсгалд явагдаж байгаа. Магадгүй WADA-гийнхан даамын спортын онцлогийг ойлгоогүй байх.
– Заавал тоглолтын дундуур ийм үйлдэл хийхээс өөр арга байгаагүй гэж үү. Энэ талаар зохион байгуулагчид ямар тайлбар өгсөн бэ?
– Мэдээж энэ асуултыг тавьсан. “Шаардлагыг яг одоо биелүүлэхгүй бол Дэлхийн даамын холбоог ОУОХ болон Sport Accord-оос хасна гэж сүрдүүлсэн“ гэж тайлбарласан.
– Таны өрсөлдөгч үүнийг яаж хүлээж авав? Тэр бас далбаагүй тоглож байгаа гэж үнэн үү?
– Тийм ээ. Наталия надтай эв нэгдэлтэй байгаагаа илэрхийлж, маргаашнаас нь адилхан ширээн дээрээ далбаагүй тоглож байгаа.
– Танд амжилт хүсье
– Баярлалаа.

Сүүлд нэмэгдсэн

“KING TUG”-ийн тулааны тов тодорлоо

Монгол Улсын гавьяат тамирчин, сонирхогчдын боксын олимп, дэлхийн мөнгөн медальт “King TUG” Нямбаярын Төгсцогт мэргэжлийн рингэн дэх ээлжит тулаанаа 2021… Дэлгэрэнгүй …

“Токио-2020” олимптой холбоотой 100 баримт 76-100

Токио-2020 олимпийн наадмыг зохион байгуулах Япон улс болон олимпийн тухай “Таны мэдэх ёстой 100 баримт”-ын хоёр дахь цувралыг хүргэж байна…. Дэлгэрэнгүй …

UFC VEGAS 26: Доналд “Ковбой”Серроне хоёр жилийн дараа дахин ялах уу?

UFC-тэй хийсэн гэрээнд заасны дагуу сүүлийн удаа тулалдахаар бэлтгэж байсан Диего Санчесийн гэрээг холбооноос өнгөрсөн долоо хоногийн сүүлээр цуцалсан билээ. Харин түүний өрсөлдөгч… Дэлгэрэнгүй …

Эмэгтэйчүүдийн аваргуудын лигийн финал: Челси – Барселона

УЕФА-гийн эмэгтэйчүүдийн аваргуудын лигийн шигшээд шалгарсан “Челси”, “Барселона”-гийн тоглолт Шведийн Готенбургын “Гамла Уллеви” цэнгэлдэхэд болно. Хоёр багийн аль нь ч… Дэлгэрэнгүй …

Хоккейн өсвөрийн ДАШТ: Хагас шигшээд оролцох багууд тодорлоо

22 дахь удаагийн Хоккейн өсвөрийн ДАШТ АНУ–ын Техас мужид зохиогдож байгаа билээ. Тавдугаар сарын дөрөвний өдөр шөвгийн дөрөвт үлдсэн багуудын… Дэлгэрэнгүй …