Тайсон Фьюри, Деонтей Уайлдер нарын тооцоо дуусаагүй байна

05/22/2021 Нийтлэгч: 272

Боксын спортын хорхойтнууд бүгд мэргэжлийн боксын WBC холбооны аварга Тайсон Фьюри, WBA, IBF, WBO холбооны дэлхийн аварга Энтони Жошуа нарын супер тулааныг үзэхийг хүсэж байлаа. Харин үлэмж биетнүүдийн тулаан хойшлогдох болсон шалтгаан нь Деонтей Уайлдер болоод байна.

Тайсон Фьюри наймдугаар сарын 14-нд Энтони Жошуатай супер тулаан хийх тов нэгэнт зарлагдаад байсан юм. Харин арбитрын шүүх түүнийг Деонтей Уайлдертай гурав дахь удаагаа тулалдах ёстой гэж мэдэгдэв. Энэхүү тулаан нь долдугаар сарын 24-нд Лас Вегас хотод болох магадлал өндөр байна. ESPN-ийн мэдээллэснээр талууд хоорондоо тулалдах товыг тохиролцож чадсан бололтой.

Эхний тулаанд Уайлдер, Фьюри нар тэнцэж, хариу тоглолтод Фьюри илт давамгайлж, долдугаар үед Уайлдерыг зогсоосон.

Тулаанд дийлдсэн Уайлдер гэрээний дагуу дахин тулалдах баталгаажсан эрхээ эдлэхийг хүсэж байсан. Харин Т.Фьюригийн талынхан Америк эрд хэд хэдэн санал тавьсан ч тэрээр олон удаа татгалзаж, улмаар цаг хугацаа алдсан гэж мэдэгдэж байсан юм. Хараат бус арбитрын шүүхийн бүрэлдэхүүн энэ долоо хоногийн эхээр Уайлдерын гэрээг хүчин төгөлдөр гэж үзсэн учир Энтони Жошуагийн эсрэг Фьюригийн 150 сая ам.долларын шагналын сантай супер тулаан хойшлогдох болжээ.

Боб Арум ESPN-д ​​хэлэхдээ, долдугаар сарын 24-ний өдөр талууд амаар харилцан тохиролцсон бөгөөд ямар нэг асуудлаас болж хойшлогдох тохиолдолд наймдугаар сарын 14-нд болох юм. Лас Вегас Рейдерс хөлбөмбөгийн цэнгэлдэх хүрээлэнд уг тулаан болохоор төлөвлөж байсан ч яг одоогоор албан ёсоор тулаан хаана явагдах нь эцэслэгдээгүй байна. Тулаанаас олох нийт орлогыг Фьюри, Уайлдер нар 60-40 хувьтай хувааж авахаар гэрээнд тусгагдсан.

Харин мэргэжлийн боксын гурван өөр холбооны бүсийг эзэмшигч Энтони Жошуа энэ цаг хугацааг дэмий өнгрөөхгүй бололтой. Магадгүй Жошуагийн хувьд WBO-ийн чансааны номер нэг украйны Олександр Усыктай бүсээ хамгаалах тулааныг хийж болох юм. Боксын спортын ертөнцийн эрх мэдэлтнүүдийн үзэж байгаагаар Жошуатай хамгийн сонирхолтой тулааныг өрнүүлэх хүн нь О.Усык өөр сонголт одоохондоо байхгүй байна гэжээ.

Сүүлд нэмэгдсэн

Жастин Гэйтжи: Макс Холлоуэйтэй тулалдах ёстой бол тулалдъя

Жастин Гэйтжи 2017 онд UFC холбоонд гарын үсэг зурснаас хойш жилд дор хаяж хоёр удаа, тэр байтугай цар тахал Корона… Дэлгэрэнгүй …

Колин Херон: Даррен бэртэлтэй байсан ч тулалдаж эр зоригоо харуулсан

Даррен Тилл сүүлийн тулаандаа дийлдсэнээр UFC -н замналынхаа хамгийн том хямралд ороод байна. Английн Ливерпүүл хотоос гаралтай Д.Тилл саяхан Лас… Дэлгэрэнгүй …

Холимог тулааны од „Кимбог сүйрүүлэгч“ Шон Ганнон нас баржээ

Тэртээ 2005 онд холимог тулааны октагонд хөл тавьж олноо танигдсан цагдааг өнгөрсөн бямба гаригт нас барсан тухай гэр бүлийнхэн нь… Дэлгэрэнгүй …

Паралимпын XVI-р наадамд оролцохоор Япон улсыг зорилоо

Монгол Улсын баг тамирчид “Токио 2020″ зуны Паралимпын XVI-р наадамд оролцохоор Япон улсыг зорилоо.”Токио 2020” Зуны Паралимпын наадамд Монгол Улсаа… Дэлгэрэнгүй …

Залуучууд УФАд нэг мөнгө, нэг хүрэл медальтай өндөрлүүлэв

Эмэгтэйчүүдийн 76 кг-ын жинд залуучуудын УАШТ-ий алт, мөнгөн медальт Өмнөговь аймгийн тамирчин Өлзийбатын Одбаг дөнгөж сая хүрэл медалийн төлөөх барилдаанд… Дэлгэрэнгүй …