Шинэхэн дэлхийн аваргууд

06/09/2021 Нийтлэгч: 1215

Жүдо бөхийн ДАШТ Унгарын Будапешт хотод гурав дахь өдөр амжилттай зохион байгуулагдаж өндөрлөлөө. Энэ өдөр эмэгтэйчүүдийн -57 кг болон эрэгтэйчүүдийн -73 кг жингийн барилдаанууд явагдсан юм.

Энэ өдөр манай улсаас ОУХМ Ц.Цогтбаатар болон МУГТ, Хөдөлмөрийн баатар Д.Сумъяа нар дэвжээнд гарав.

Ц.Цогтбаатарын тухай энд дарж үзнэ үү.

Д.Сумъяа “A” хэсэгт багтаж эхний тойрогт өөрийн мөнхийн өрсөлдөгч Өмнөд Солонгосын Ким Жан Дитай таараад байсан юм. Тэд өмнө нь 13 удаа тааран барилдаж Жан Ди долоод нь ялсан билээ. Даваа, унаагаа тэнцүүлэх боломжийг Д.Сумъяа ашиглаж чадалгүй, вазари үнэлгээгээр ялагдаж Будапештын дэвжээг орхив.

Энэ жинд Канадын Жессика Климкайт түрүүллээ. Алтан шаргал медалиар энгэрээ гоёж чадсан тэрбээр “Олимпын наадамд би улсаа төлөөлөх ёстой шүү” гэдгээ зарлаж буй гэмээр гайхалтай барилдааныг толилууллаа. Харин Канадын нэр дээр барилддаг япон бүсгүй Криста Дэгүчи медальгүй хоцорсон нь Токиог зорих мөрөөдлийг нь үгүй хийлээ.  

Эрэгтэйчүүдийн 73 кг-д онцлох хүн нь Лаша Шавдатуашвили байлаа. 20-хон насандаа олимпийн аварга болж байсан гүрж залуу түүнээс есөн жилийн дараа ДАШТ-ий магнайд заларлаа. Өмнө нь дэлхийгээс медаль хүртэж чадалгүй өдийг хүрсэн тэрбээр энэ удаад дутуугаа гүйцээж, жүдо хэмээх спортын гайхалтай, ганган нэгэн түүхийг бичиж энэ цагаас хойш олимп дэлхийн аварга Лаша Шавдатуашвили хэмээн дуудуулахаар боллоо.

БайрЭм -57 кгЭр -73 кг
1Жессика Климкайт /Канад/Лаша Шавдатуашвили /Гүрж/
2Момо Тамаоки /Япон/Маттиас Томми /Швед/
3Тереза Столл /Герман/Соичи Хашимото /Япон/
3Нора Гжакова /Косово/Билал Чилоглу /Турк/
Энэ өдрийн медальтнууд

Сүүлд нэмэгдсэн

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …

Өсвөрийн даамчид лигийн тэмцээнтэй боллоо

Монголын даамын холбоо, “Хөлөгт тоглоом” клубээс хамтран зохион байгуулж буй өсвөрийн даамчдын “Амжилтын гараа” лигийн тэмцээн 2022 оны тавдугаар сарын… Дэлгэрэнгүй …