МҮОХ-ны 70 жилийн ойн хүрээнд Дорноговь аймгийн ЗДТГ, “Лондон олимп”-ын зөвлөлтэй хамтран “Бага олимп” спортын наадмыг Сайншанд суманд зохион байгуулж байна.

Тус тэмцээний нээлтийн үйл ажиллагаанд

МҮОХ-ны Тэргүүн Дэд ерөнхийлөгч Ч.Наранбаатар, МУГТ Д.Отгондалай, Дорноговь аймгийн засаг дарга О.Батжаргал, Боловсролын газрын дарга М.Энхболд, Биеийн тамир спортын газрын дарга Б.Гантөмөр, “Лондон” Олимпын зөвлөлийн дарга Я.Дорж нарын хүндэт зочид оролцов.

Тэмцээнд Дорноговь аймгийн ерөнхий боловсролын 13 сургуулийн 500 гаруй ахлах ангийн сурагчид сагсан бөмбөг, волейбол, шатар, даам, флашмоб зэрэг спортын төрлүүдэд өрсөлдөх бөгөөд тус наадамд 30 шүүгч, 50 гаруй багш, арга зүйч оролцсон өргөн бүрэлдэхүүнтэй наадам болж байна.

Мөн нээлтийн үйл ажиллагааны үеэр

аймаг, орон нутагт спорт, олимпизмыг түгээн дэлгэрүүлэх, тамирчдын залгамж халааг бэлтгэхэд оруулж буй хувь нэмрийг үнэлж МҮОХ-ны “Алтан Очир”  одонгоор Аймгийн Засаг дарга О.Батжаргал, “Лондон” олимпын зөвлөлийн арга зүйч Д. Байгальмаа нарыг шагнав.

Баг тамирчдад амжилт хүсье