Азийн Наадмын аварга Амит Пангхал шилдэг тамирчинд нэр дэвших эрхгүй

Азийн Наадмын боксын төрөлд аваргалсан энэтхэг тулаанч Амит Пангхал нутгийнхаа оны шилдэг тамирчинд олгодог “Arjuna Awards” шагналд нэр дэвших эрхгүй… Дэлгэрэнгүй …
1 жилийн өмнө Нийтлэгч:

Азийн Наадмын боксын төрөлд аваргалсан энэтхэг тулаанч Амит Пангхал нутгийнхаа оны шилдэг тамирчинд олгодог “Arjuna Awards” шагналд нэр дэвших эрхгүй гэж олон хүн үзэж байгаа аж. Энэтхэгийн хуулиар бол допингийн шинжилгээнд бүдэрсэн тамирчид Засгийн газраас олгодог уг шагналд нэр дэвших ёсгүй юм.

Амит Пангхалын хувьд эрэгтэйчүүдийн 49 кг-д олимпийн аварга, Узбекистаны Хасанбой Дусматовыг ялж, тивийн олимпод манлайлсан. Гэхдээ энэ боксчин 2012 онд допингийн шинжилгээ өгөөд анаболик стероид илэрсэн тул эрхээ хоёр жилээр хасуулж байв.

Допинг илрэх үед ердөө 16 настай байсан Амит хожим энэ талаар “Нас залуу байсан тул юу хэрэглэж болох талаар мэдлэг хомс. Энэ нь миний алдаа болсон юм” гэж ярьсан удаатай.

Энэтхэгийн спортын хамгийн том шагнал болох “Arjuna Awards”-т нэр дэвших тамирчдын нэрсийг энэ сарын 12 хүртэл хүлээн авах юм. Боксын холбооноос Гуарав Бидүри, Сониа Латер нарын нэрийг дэвшүүлж байгаа аж.

Харин А.Пангхалыг нэр дэвших эсэхийг сүүлийн өдөр шийдэх бололтой.

Энэтхэгийн Засгийн газраас их спортод өндөр амжилт үзүүлсэн тамирчдаа 1961 оноос “Arjuna Awards” шагналд нэр дэвшүүлж, 500 мянган энэтхэг рупи, хүрэл цомоор шагнадаг уламжлалтай. Өнгөрсөн жилийнхийг оролцуулаад нийт 700 гаруй тамирчин уг шагналыг хүртсэн юм.

 

Сүүлд нэмэгдсэн

Жүдо: 2021 оны ДАШТ Ташкент хотод болно

Олон улсын жүдо бөхийн холбоо, Узбекистан улсын жүдо бөхийн холбоо нар хамтран ажиллах гэрээ байгууллаа. Уг гэрээгээр 2021 оны насанд хүрэгчдийн ДАШТ-ийг Узбекистаны нийслэл Ташкент хотод зохион байгуулах болов.

Хөлбөмбөг: “Барселона”-гийн шинэ дасгалжуулагч Кике Сетьений тухай 8 баримт

Испанийн алдарт “Барселона” клуб дасгалжуулагч Эрнесто Велвердег халж, Кике Сетьенийг томилсон билээ.

WNBA: Эмэгтэй тамирчдын үнэлгээ өсөв

WNBA-гийн тамирчид тохиролцоон хүрлээ.