Мадрид, Юве, Бавари, Юнайтед ялж, Манчестер Сити бүдрэв
Аваргуудын лигийн хэсгийн эхний тоглолтууд өндөрлөв. Испанийн “Реал Мадрид”, Германы “Бавари Мюнхен”, Английн “Манчестер Юнайтед” багууд эхний гурван оноогоо авч, Италид очсон Криштиану Роналду улаан хуудсаар торгуулсан ч “Ювентус” хэрэгтэй ялалтаа байгуулсан юм. Харин Английн аварга “Манчестер Сити” Францын “Лион”-д бүдэрч, эхний дуулианыг тарив.
Хэсэг Е
Эхний хагаст 0:0-ээр өндөрлөсөн ч аргентин довтлогч Николас Тальяфико хоёр, сэлгээнээс талбайд гарсан Донни ван де Бекийн гоолын ачаар “Аякс” Грекийн багаас гурван оноо салгалаа.
Эхний хагаст Роберт Левандовски, дараагийн хагаст Ренато Санчес гоол оруулснаар Германы аваргууд түвэггүйхэн гурван оноотой боллоо. Р.Санчес “Бенфика”-гийн хүүхдийн багт хүмүүжсэн нэгэн. Энэ тоглолтод Томас Мюллер сэлгээнээс талбайд гарснаар Аваргуудын лигт 100-гаас дээш тоглолтод оролцсон 35 дахь тоглогч болсон юм.
Хэсэг F
Германы клуб айлын талбайгаас хожил авахаар хоёр ч удаа оноогоор тэргүүлсэн ч “Шахтёр”-ын 21 настай бразил хагас хамгаалагч Майкон сэлгээнээс талбайд гараад 81 дахь минутад тэнцээний гоолыг хийж, багаа хожигдлоос аварсан юм.
Максвел Корнет, Набил Фекир нарын эхний хагаст оруулсан гоолын ачаар Францын “Лион” хэсгийнхээ хүчтэй өрсөлдөгчөө нутагт нь буулгаж авлаа. Хоёрдугаар хагаст Бернардо Сильва тооны харьцааг ойртуулсан ч түүнээс цааш дахин гоол оруулж чадаагүй юм.
Хэсэг G
Виктория Пльзень 2:2 ЦСКА Москва
Чехийн аваргууд Михаэл Крменчикийн эхний хагаст оруулсан хоёр гоолын ачаар тэргүүлж эхэлсэн ч Москвагийн багаас Федор Чалов тооны харьцааг ойртуулж, бразил гаралтай орос хамгаалагч Марио Фернандес дээр алдаа гаргасан тул шүүгч 11 метрийн торгуулийн цохилт заасныг хорват довтлогч Никола Влашич алдалгүй оруулснаар тоог тэнцүүлсэн юм.
“Реал Мадрид”-ын З.Зидан, К.Роналдугүй дөрөв дэх дараалсан цомоо авах эхний дайралт амжилттай болов. Испанийн багаас Иско Аваргуудын лигт хаалттай цохилтоос эхний гоолыг оруулсан бол Лука Модричийн дамжуулалтаар Гарэт Бэйл тооны харьцааг холдуулав. К.Роналдугийн “7” дугаарыг зүүх болсон доминикан залуу Мариано Диас 91 дэх минутад сүүлийн цэгийг хатгав.
Хэсэг H
Криштиану Роналдугийн “Ювентус” дахь Аваргуудын лигийн анхны тоглолт 29 минут үргэлжлэв. Тэрбээр Аваргуудын лигт анхны улаан хуудсаа авч, талбайг чөлөөлсөн ч баг нь өрсөлдөгчөө 2:0-ээр буулган авлаа. Миралем Пьянич торгуулийн цохилтоор хоёр гоол бүртгүүлэв.
Янг Бойс 0:3 Манчестер Юнайтед
Поль Погба эхний хагасын сүүлийн 10 минутад хоёр гоол оруулж, хоёрдугаар хагаст Антони Марсиал тооны харьцааг холдуулснаар Улаан чөтгөрүүд Швейцарийн залуу хөвгүүдийг яллаа.