Энэтхэгийн Шинэ Дели хотод эмэгтэй сонирхогчдын боксын ДАШТ үргэлжилж байна. Тэмцээний эхний өдөр манай боксчин Т.Болортуул өрсөлдөгчдөө ялагдсан юм. Тэгвэл өнөөдөр гурван боксчин рингэнд гарна.

Тодруулбал, эмэгтэйчүүдийн 60 кг-д Монхорын Намуун эхний шатанд Балбын Пунам Равалтай, 69 кг-д Энхбаатарын Эрдэнэтуяа Казахстаны Акерке Бахытжантай, 54 кг-д Мягмардуламын Нандинцэцэг Унгарын Сабина Сючтэй тулалдах юм.

---

54 кг:

Мягмардуламын Нандинцэцэг. Эрдэнэт хотын “Хангарьд” клубийн тамирчин. Өдгөө 30 настай М.Нандинцэцэг 2008, 2012, 2014, 2016 оны ДАШТ-д оролцсон. “Инчён 2014” Азийн наадмын хүрэл медальт.

Түүний өрсөлдөгч Сабина Сючийн хувьд 2011 оноос хойш боксооор хичээллэх болсон, өнөөдөр 26 нас хүрч буй боксчин аж. 2014, 2016 оны ДАШТ-д оролцсон туршлагатай. Бокс тоглохоосоо өмнө сагсан бөмбөгөөр хичээллэж байсан юм.

---

60 кг:

Монхорын Намуун. Өдгөө 19 настай, манай улсын авьяаслаг тулаанчдын нэг. Өсвөрийн болон Залуучуудын ДАШТ-ий хүрэл медальтай. 2012 оноос сонирхогчдын боксоор хичээллэх болсон.

Түүний өрсөлдөгч Балбын Пунам Равалын хувьд 1996 онд төрсөн. Энэ жилийн Азийн наадамд оролцсон туршлагатай.

---

69 кг:

Энхбаатарын Эрдэнэтуяа. 1996 онд төрсөн. Дорнод аймгийн Дорнод Талын Бүргэд клубийн тамирчин. Энэтхэгийн нээлттэй тэмцээнээс хүрэл, Улаанбаатын цомоос хүрэл медаль хүртсэн. Анх удаа ДАШТ-д оролцож буй.

Түүний өрсөлдөгч Экерке Бахытжан 1993 онд төрсөн юм.