Бөртэ чоно 2018: Шилдгийн шилдэг тамирчин М.Нандинцэцэг, Л.Отгонбаатар (фото)

1 жилийн өмнө Нийтлэгч:

Өчигдөр буюу арванхоёрдугаар сарын 21-нд МҮОХ-ны зохион байгуулдаг оны шилдэг тамирчинг тодруулах ёслол боллоо. 2002 оноос хойш өнөөг хүртэл “Бөртэ чоно”-ыг тодруулж ирсэн юм.

Уламжлал ёсоор оны шилдэг эрэгтэй болон эмэгтэй тамирчин, спорт тоглоомны багийг спортын сэтгүүлчдийн саналаар тодруулсан.

Харин бусад шагналыг МҮОХ-ноос томилогдсон ажлын хэсэг шалгаруулсан аж. 

Энэ жилээс анх удаа спортын шилдэг сэтгүүлч тодруулж, “ETV” телевизийн спортын сэтгүүлч, тайлбарлагч С.Шижирбат шалгарлаа.

“ETV” телевизийн спортын сэтгүүлч, тайлбарлагч С.Шижирбат

Спортын оны шилдгүүдээс онцлох нь аав охин хоёрын амжилт байлаа. Азийн наадмын алт, хүрэл медаль хүртсэн буудлагын олон улсын хэмжээний мастер Г.Нандинзаяа оны шилдэг эмэгтэй тамирчнаар тодорсон бол түүний аав Ж.Ганхуяг оны шилдэг дасгалжуулагчаар нэрлэгдсэн.

Буудлагын багш, дасгалжуулагч Ж.Ганхуяг оны шилдгээр шалгарав

Оны шилдэг эрэгтэй, эмэгтэй тамирчдыг спортын сэтгүүлчдийн саналаар тодруулсан юм. Эмэгтэй шилдгээр Азийн наадмын алт, хүрэл медаль хүртсэн Г.Нандинзаяагийн хамт ДАШТ-ээс мөнгөн медаль хүртэж, олимпийн төрлийн дэлхийн аваргаас дөрвөн медаль хүртсэн анхны тамирчин болсон О.Насанбурмаа, боксын эмэгтэйчүүдийн ДАШТ-ээс анхны хүрэл медаль хүртсэн М.Нандинцэцэг нар “Бөртэ чоно 2018”-ын эзэн боллоо. 

Харин оны шилдэг эрэгтэй тамирчнаар Азийн наадмаас алтан медаль хүртсэн боксчин Э.Цэндбаатар, жүдо бөхийн ДАШТ-ээс хүрэл, Азийн наадмаас мөнгөн медаль хүртсэн Ө.Дүүрэнбаяр, шилдгийн шилдэг тамирчнаар жүдо бөхийн ДАШТ-ээс хүрэл, Азийн наадмаас хүрэл, “Мастерс” тэмцээнээс мөнгөн медаль хүртсэн Л.Отгонбаатар тодорлоо.

ДАШТ-ээс хүрэл, Азийн наадмаас мөнгөн медаль хүртсэн Ө.Дүүрэнбаяр

Сэтгүүлчдийн саналаар хамгийн олон оноо авсан тамирчинд шилжин явах цомыг өгдөг уламжлалтай. Өнгөрсөн жил жүдоч Д.Сумъяа гардаж авч байсан бол энэ жил 119 оноогоор тэргүүлсэн боксчин М.Нандинцэцэгт уг цом шилжлээ.

Шилжин явах цом М.Нандинцэцэгийнх боллоо

Олимпийн зөвлөл: Баянзүрх дүүрэг “Нагано” олимпийн зөвлөл

Арга зүйч: Ж.Даваасүрэн – ХХЕГ-ын харьяа “Хилчин” олимпийн зөвлөлийн арга зүйч

Сэтгүүлч: С.Шижирбат “ETV” телевизийн спортын сэтгүүлч

Клуб: Хөлбөмбөгийн “Эрчим” клуб

Шүүгч: Т.Энхцэцэг (жүдо)

Менежменттэй холбоо: Уулчдын холбоо, Пауэрлифтингийн холбоо

Бүтээн байгуулалттай холбоо: Байт харвааны холбоо

Байт харвааны хамт олон

Хөрөнгө оруулалттай холбоо: Хөнгөн атлетикийн холбоо

Олимпийн бус холбоо: Шатар болон самбо бөхийн холбоо

Олимпийн төрөл: Гимнастик болон жүдо бөхийн холбоо

Ерөнхийлөгч: Байт харвааны холбооны ерөнхийлөгч П.Цагаан

Ерөнхий нарийн бичгийн дарга: Ц.Батнасан (бокс)

Боксын холбооны ерөнхий нарийн бичгийн дарга Ц.Батнасан

Залуу тамирчин: Л.Сосорбарам (жүдо бөх)

Дасгалжуулагч: Ж.Ганхуяг (буудлага), С.Эрдэнэ-Очир (хөлбөмбөг), А.Мэргэн (шайбтай хоккей)

Шилдгийн шилдэг дасгалжуулагч: Ц.Баярсайхан (чөлөөт бөх)

БАГ:

  • Шайбтай хоккейн шигшээ баг “Challenge cup” тэмцээнд түрүүлсэн амжилтаараа олонхийн санал авч шилдэг багаар тодорлоо.

ЭРЭГТЭЙ ТАМИРЧИН:

  • Ө.Дүүрэнбаяр (Жүдо, ДАШТ-ий хүрэл медаль, Азийн наадмын мөнгөн медаль)
  • Э.Цэндбаатар (Бокс, Азийн наадмын аварга)

ЭМЭГТЭЙ ТАМИРЧИН:

  • Г.Нандинзаяа (Буудлага, Азийн наадмын алт, хүрэл медаль) – 44 оноо
  • О.Насанбурмаа (Чөлөөт бөх, ДАШТ-ий мөнгөн медаль) – 87 оноо

ШИЛДГИЙН ШИЛДЭГ

  • Л.Отгонбаатар (Жүдо, ДАШТ-ий хүрэл медаль, Азийн наадмын мөнгө, “Мастерс”-ий мөнгө) -114 оноо
  • М.Нандинцэцэг – (Бокс, ДАШТ-ий хүрэл медаль) – 119 онооогоор тус тус шилдгийн шилдэг боллоо.
Ц.Ууганжаргал шилдэг биеийн тамирын багш
Шилдэг шүүгч Т.Энхцэцэг
Оны шилдэг эрэгтэй тамирчин Л.Отгонбаатар
Шилдэгүүд

Гэрэл зургийг: Д.Бямбажаргал

Сүүлд нэмэгдсэн

Covid 19: К.Роналду цалингаа хасуулсан ч…

Италийн “Ювентус” клуб тоглогч болон дасгалжуулагчдынхаа цалинг танах тохиролцоонд хүрсэн анхны хөлбөмбөгийн баг болсон билээ. Энэ багт дэлхийн хамгийн алдартай… Дэлгэрэнгүй …

Токио 2020: 2021 оны долдугаар сарын 23-нд олимпын нээлт болно

ОУОХ, Токиогийн олимпыг зохион байгуулах хорооноос “Токио 2020”-ыг ирэх оны долдугаар сарын 23-нд зохион байгуулахаар тохиролцсон гэж Японы “Майничи” мэдээлжээ…. Дэлгэрэнгүй …

ТОКИО 2020: Олимпын шинэ товыг ирэх гурван долоо хоногт зарлана

ОУОХ (IOC) өчигдөр видео хурал зохион байгуулж, “Токио 2020” олимпын шинэ товыг гурван долоо хоногийн дотор зарлахаа мэдэгдэв. ОУОХ-ноос “Токио… Дэлгэрэнгүй …

NBA: Филиппиний ирээдүй Кай Сотто

Кай Сотто 2021 оны драфтад нэр дэвших магадлалтай. Хэрвээ тэр нэрээ дэвшүүлээд багт сонгогдвол Филиппинд төрж өсөөд, NBA-д хөл тавьсан… Дэлгэрэнгүй …

Токио 2020: Боксын эрх олгох тэмцээнд оролцсон 6 хүнээс корона вирус илэрчээ

Английн Лондон хотод “Токио 2020” олимпын эрх олгох боксын тэмцээнд оролцсон зургаан хүнээс корона вирусын халдвар илэрлээ. Туркын боксын холбооноос… Дэлгэрэнгүй …