Бизнес: Нэймар дэлхийн хамгийн үнэ цэнэтэй хөлбөмбөгчин

2 жилийн өмнө Нийтлэгч:

Хөлбөмбөгчдийн үнэлгээг тогтоодог KPMG байгууллагын саяхан гаргасан судалгаагаар дэлхийн хамгийн үнэ цэнэтэй хөлбөмбөгчнөөр Нэймар тодорчээ.

Хөлбөмбөгийн ертөнцөд тэр тусмаа санхүүгийн чиглэлээр мэргэшсэн байгууллага болох KPMG-гийн мэргэжилтнүүдийн үзэж буйгаар дэлхийн хамгийн үнэ цэнэтэй хөлбөмбөгчин бол Нэймар гэнэ. Бразилын шигшээ болон Парисын багт зүтгэдэг 26 настай довтлогч эрийн үнэлгээ 229.1 сая евро. Харин түүний ард нэг багийн хамтрагч, франц жаал Килиан Мбаппе 215 сая еврогийн үнэ хүрсэн гэнэ. Гуравдугаарт 203.3 сая еврод хүрсэн аргентин довтлогч Лионель Месси бичигджээ.

Европт тоглож буй хамгийн үнэ цэнэтэй хөлбөмбөгчин бол Нэймар
К.Мбаппе ч нэг багийн хамтрагчаасаа дутахгүй үнэлгээтэй

Уг жагсаалтын эхний гуравт дээрх тоглогчид багтсан бол дараагийн долоон тоглогчийн тав нь Англид тоглодог. Тодруулбал, “Ливерпуль” болон Египетийн шигшээгийн довтлогч Мохамед Салах 168.3 сая еврогоор жагсаалтын дөрөвдүгээрт бичигдсэн. Түүний араас Английн шигшээ болон “Тоттенхэм”-ийн довтлогч Харри Кэйний үнэлгээ 151.1 сая евро.

Криштиану Роналду ТОП 10-т багтаагүй

Хачирхалтай нь, уг жагсаалтын эхний 10-т Криштиану Роналду багтаагүй. Тэрбээр 107.3 сая еврогийн үнэ хүрч, уг жагсаалтын 12-т жагслаа. К.Роналду ирэх хоёрдугаар сард 34 нас хүрэх бөгөөд энэ шалтгаанаар эхний 10-т багтаагүй гэхэд болно.

Европын клубт тоглож буй хамгийн үнэ цэнэтэй хөлбөмбөгчид

НэрНасУлсҮнэ
1. Нэймар26Бразил229.1 сая евро
2. К.Мбаппе20Франц215 сая
3. Л.Месси32Аргентин203.3 сая
4. М.Салах27Египет168.3 сая
5. Х.Кэйн25Англи151.1 сая
6. Э.Азер28Бельги148.2 сая
7. К.Де Брюне28Бельги129.4 сая
8. А.Гриззман28Франц125.6 сая
9. П.Погба
26Франц119.3 сая
10. Ф.Коутино27Бразил118.2 сая

KPMG тоглогчдын үнэлгээг яаж гаргасан бэ?

  • Тоглогчийн байрлал (хаалгач, хамгаалагч, хагас хамгаалагч, довтлогч гэх мэт)
  • Нас болон улс, үндэстэн
  • Гэрээ: Тоглогчдын клубтэй байгуулсан гэрээний нөхцөл, түүний үнэлгээ
  • Талбай дээрх тухайн тоглогчийн ур чадвар (гоол, оновчтой дамжуулалт, тоглосон минут гэх мэт)
  • Сахилга бат (талбайд гаргаж буй алдаа, улаан болон шар карт гэх мэт)
  • Шигшээ багийн тоглолт (олон улсын тэмцээнд хийсэн тоглолт, оруулсан гоол гэх мэт)
  • Хэвлэл мэдээлэлтэй харилцах чадвар
  • Клубийн амжилт, клубийн эдийн засаг, санхүүгийн хувьд тогтвортой байдал
  • Багийн тоглолт гаргадаг эсэх
  • Тоглогчийн зах зээл дэх бодит үнэ

Сүүлд нэмэгдсэн

Улирлын нээлт: Ливэрпүүл клуб

Энэ жил лигийн өрсөлдөөн түрүү жилээс илүү ширүүсэх байх. Чэлси аймаар зузаалсан, Ман ютдын түрүү улирлын хагасын формыг харвал тоглолт нь тогтворжоод эхэлсэн, Артетагийн Арсэнал илүү сайжирсан, Моуриньогийн Спөрс өрсөлдөөн рүү дахиад тэмүүлж эхлэх нь тодорхой.

Английн премьер лигийн сүүлийн 10 жил

Английн лигийн сүүлийн 10 жилийг 5 минутанд.

Наадам 2020: Улсын арслан П.Бүрэнтөгс түрүүллээ

Тулгар төрийн 2229, Их Монгол улсын 814, ардын хувьсгалын 99 жилийн ой, үндэсний их баяр наадамд хүчит 512 бөх зодоглосон… Дэлгэрэнгүй …

Наадам 2020: Долоон начин, гурван харцага төрлөө

Хүчит бөхийн барилдааны зургаагийн даваанд Өмнөговь аймгийн Ханхонгор сумын харьяат, улсын начин Цэдэнбазарын Одбаяр цэргийн арслан, шинээр начин болсон Т.Дүгэрдоржийг… Дэлгэрэнгүй …

Наадам 2020: Есөн шинэ начин төрлөө

Хүчит бөхийн барилдааны тавын даваа буюу начны даваанд улсын аварга дөрөв, улсын арслан гурав, гарьд нэг, заан хоёр, харцага нэг,… Дэлгэрэнгүй …