АНУ-ын Бруклин хотод UFC-гийн ээлжит тулаан боллоо. Энэ өдрийн оргил тулаан хөнгөн жингийн аваргын бүсийн төлөө Хэнри Сэхудо, Ти.Жэй Диллашоу нарынх байлаа.

UFC холбооны ялаан жин буюу 53-57 кг жингийн аварга Хэнри Сэхудо аваргаа хамгаалах эхний тулааныг дээд жингээс өрсөлдсөн Ти.Жэй Диллашоу хийж, 32 секундэд өрсөлдөгчөө буулган авлаа. Дээд жингээс буюу 61.3 кг-аас жин хасч, хоёр жингийн аварга болох хүсэлтэй байсан америк эрийн мөрөөдөл талаар өнгөрөв.

BESTIA!!!!! @HenryCejudo #UFCBrooklyn pic.twitter.com/Xb2jqA7BOo

— UFC Español (@UFCEspanol) January 20, 2019

Чөлөөт бөхийн төрөлд Бээжингийн олимпийн аварга болж, холимог тулааны ертөнцөд аваргын бүс эзэмшсэн хоёр дахь олимпийн алтан медальтан болж байсан Хэнри Сэхудо өнгөрсөн оны арваннэгдүгээр сард UFC холбоотой хийсэн гэрээгээ шинэчилж, дахин зургаан тулаан хийхээр болсон юм. Уг гэрээний эхний тулаан нь энэ байлаа.

UFC холбооны түүхэнд хамгийн богино хугацаанд ялалт байгуулсан тулааны тавдугаарт Х.Сэхудогийн 32 секундын ялалт бичигдэнэ. Уг жагсаалтын тавдугаарт Тито Ортизтой хамт жагсах юм.

Аваргын бүсийн тулаан (богино хугацаанд)

	Ялсан	Ялагдсан	Жин	Тулаан	Хугацаа
1.	К.МакГрегор	Жозе Алдо	66 кг	UFC 194	0:13 секунд
2.	А.Арловски	Пол Бентелло	120 кг	UFC 55	0:15 секунд
3.	Ронда Роузи	Алексис Дэвис	61.3	UFC 175	0:16 секунд
4	Ф.Шэмрок	Игорь Жиновьев	93 кг	UFC 16	0:22 секунд
=5	Тито Ортиз	Еван Таннер	93 кг	UFC 30	0:32 секунд
=5	Хэнри Сэхудо	Ти Жэй Диллашоу	57 кг	Fight Night	0:32 секунд