Хөлбөмбөг: З.Зидан эргэн ирлээ

03/12/2019 Нийтлэгч: 215

Францын нэрт хөлбөмбөгчин асан Зинедин Зидан Испанийн “Реал” багийн ахлах дасгалжуулагчаар томилогдлоо.

Өмнө нь “Реал”-ын хамт Аваргуудын лигт гурван жил дараалан түрүүлсэн амжилттай З.Зидан өнгөрсөн жил өөрийнхөө хүсэлтээр ажлаа өгсөн юм. Гэвч 9 сарын дараа буюу 284 өдрийн дараа эргэн ирлээ. Энэ удаад З.Зидан гурван жилийн гэрээ байгуулж, 2022 оны улирал дуустал зүтгэхээр болжээ.

Испанийн Ла Лигт “Реал” тэргүүлэгч “Барселона”-гоос 12 оноогоор хоцорч, хүснэгтийн гуравдугаарт бичигдэж буй. Мөн сүүлийн гурван жил дараалан түрүүлсэн Аваргуудын лигийн шөвгийн 16-гаас хасагдсан нь дасгалжуулагчийн түр үүрэг гүйцэтгэж байсан С.Солариг халах том шалтгаан болсон юм.

“Реал”-ын Ерөнхийлөгч Флорентина Перес дөрөв хоногийн өмнө З.Зидан руу утасдаж, эргэн ирэх санал тавьсан гэнэ.

З.Зидан хэвлэлийн бага хурлын үеэр “Эргэн ирсэндээ баяртай байна. Маргаашнаас ажилдаа орно. Багаа одоогийн түвшнээс ахиулахын тулд өөрийнхөө чадах бүхнийг хийх болно. Би “Реал”-д хувьцаа эзэмшдэггүй, ямар ч өр зээл байхгүй. Энэ багт хайртай учраас саналыг нь хүлээн авсан юм” гэж ярьжээ.

З.Зиданы өмнө нь “Реал”-ыг дасгалжуулж байхдаа дэлхийн хамгийн өндөр цалинтай дасгалжуулагч нарын нэг байв. Харин одоо 2022 он хүртэл жилд 9.5 сая “ногоон” халааслах бололтой.

Сүүлд нэмэгдсэн

Эмэгтэй бөхчүүд анх удаа багийн дүнгээр тэргүүллээ

Казахстаны Алматы хотод бөхийн төрлүүдийн Азийн АШТ болж буй. Тус тэмцээний эмэгтэйчүүдийн ангилалд манай тамирчид хошой алт, дөрвөн мөнгө, нэг… Дэлгэрэнгүй …

ЕАШТ-2020 арван хоёр өөр улсад болно

Хөлбөмбөгийн ЕАШТ цар тахлын улмаас бүтэн жил хойшилсоны эцэст энэ оны зургадугаар сарын 11-нээс долдугаар сарын 11-ны хооронд буурал тивийн… Дэлгэрэнгүй …

Тулаанд зөвхөн бүргэдүүд нисдэг

Тивийн хоккейн лигийн Дорнод бүсийн аварга шалгаруулах цувралын долоо дахь тоглолтод Казаны “Ак Барс” Омскийн “Авангард” багт хожигдлоо.  Цувралын өмнөх… Дэлгэрэнгүй …

Уран гулгалтын багийн ДАШТ эхэллээ

Японы Осака хотод VII удаагийн уран гулгалтын багийн ДАШТ эхэллээ. Энэ удаагийн тэмцээнд АНУ, Канад, Итали, ОХУ, Франц, Япон гэсэн… Дэлгэрэнгүй …

ЛаМаркус Олдриж сагсан бөмбөгөө орхилоо

“Сүүлийн 15 жил сагсан бөмбөгийг нэн тэргүүнд тавилаа. Одоо гэр бүл, эрүүл мэндээ бодох цаг болжээ.” “Брүүклин Нэтс” багийн довтлогч… Дэлгэрэнгүй …