Бокс: Тайсон Фюри WBC холбооны дэлхийн аварга боллоо

02/23/2020 Нийтлэгч: 404

Тайсон Фюри таван жил дэлхийн аваргын бүс эзэмшсэн Дэонтай Уайлдерийг яллаа.

Мэргэжлийн боксын хүнд жингийн шилдэг төлөөлөгчид болох Их Британийн Тайсон Фюри, АНУ-ын Дэонтэй Уайлдер нарын хоёр дахь халз тулаан шоу цэнгээний нийслэл Лас Вегас хотод боллоо.

Одоогоос жил хагасын өмнө буюу 2018 оны хоёрдугаар сард хоёр боксчин Лос Анжелес хотод тулахад тэнцээгээр өндөрлөж, Д.Уайлдер аваргын бүсээ хадгалж үлдсэн билээ. Түүнээс хойш Германы Том Шварц, Шведийн Отто Уоллен нарыг ялснаар Т.Фюри дахин аваргын бүсийн төлөө өрсөлдөх эрхтэй болсон юм.

Эхний тулаанаас хойш Д.Уайлдер мөн л хоёр удаа аваргын бүсээ хамгаалсан. Тэрбээр нутаг нэгт Доминик Брийзил, Кубын Луис Ортиз нарыг хүнд цохилтоор буулган авсан юм.

Одоогоос таван жилийн өмнө Т.Фюри дэлхийн хамгийн алдартай боксчин болсон билээ. Тэрбээр Украины алдарт Владимир Кличког ялснаар WBC-гээс бусад бүх холбооны аваргын бүс эзэмшиж байв. Гэнэтхэн алдартай нэгэн болсон нь түүний амьдралд нөлөөлж, багагүй хугацаанд сархад, хар тамхитай нөхөрлөж, бэлтгэлээ хийхээ больсноор британи эр аваргын бүсээ хамгаалах тулааныг хийж чадалгүй, цолоо хураалгасан юм.

Цолоо хураалгасан Т.Фюри рингэндээ эргэн ирэхээр төлөвлөж, богино хугацаанд 40 гаруй кг хасч, хар тамхинаас татгалзжээ.

Рингэндээ эргэн ирээд хоёр ч тулаан хийсний дараа WBC холбооны бүсийн төлөөх эхний дайралтаа хийсэн юм. Д.Уайлдертай хийсэн тэр тулаан 12 үе үргэлжилсэн ч ялагч тодроогүй.

Харин энэ удаад тийм зүйл болсонгүй. Т.Фюри тулааны эхнээс л санаачилгыг гартаа авч, долдугаар үе хүртэл нэг бус удаа өрсөлдөгчөө унагасан. Эцэст нь Д.Уайлдерын дасгалжуулагч бууж өгснөөр Т.Фюри WBC холбооны аваргын бүс эзэмших боллоо. Түүнд ялагдсан Д.Уайлдер эмнэлэгт хүргэгдсэн юм.

Ийнхүү хүнд жингийн дэлхийн аваргын бүх бүс англичуудын мэдэлд очлоо. WBA, IBF, WBO болон IBO холбооны аваргын бүсийг Энтони Жошуа эзэмшдэг. Саяхныг хүртэл ялагдаагүй явсан Э.Жошуа мексик гаралтай америк тулаанч Энди Руизт дийлдсэн ч хариу тулаандаа ялснаар аварга цолоо эргүүлэн авсан билээ.

Их Британийн алдарт боксын промоутер Эдди Хирн Т.Фюригийн дараагийн өрсөлдөгч Э.Жошуа байх болно гэж найдаж буйгаа илэрхийлсэн юм. Хэрвээ хоёр тулаанч тохиролцож чадвал энэ оны сүүлээр тулаанд бэлдэж эхэлнэ.

Сүүлд нэмэгдсэн

Залуучуудын аварга шалгаруулах тэмцээн 2020 – хоёр дахь өдөр

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” хоёр өдрийн фото агшин. Эмэгтэй:… Дэлгэрэнгүй …

Жүдо бөхийн Залуучуудын УАШТ 2020

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” эхний өдрийн фото агшин. Эмэгтэй:… Дэлгэрэнгүй …

ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны… Дэлгэрэнгүй …

Э.Содномпилжээ, М. Уранцэцэг нарт Монгол улсын хөдөлмөрийн баатар цол олголоо

Монгол Улсын Ерөнхийлөгч У.Хүрэлсүх зарлиг гарган Үндэсний шигшээ багийн тамирчин, “Токио-2020” зуны паралимпын наадмын Пауэрлифтингийн төрөлд дэлхийн дээд амжилтыг шинэчлэн… Дэлгэрэнгүй …

Ц.Сүхбат, Б.Мөнхжин нар түрүүлэв

Улаанбаатар хотын аварга шалгаруулах эрэгтэйчүүдийн 43, эмэгтэйчүүдийн 27 дахь удаагийн зуун буудалт даамын тэмцээн энэ сарын 6-7-ны өдрүүдэд “Монгени” цогцолбор… Дэлгэрэнгүй …