UFC 248: Д.Батгэрэлийн ялалтын агшин (Фото)

03/09/2020 Нийтлэгч: 273

Холимог тулааны UFC 248 монголчуудын хувьд түүхэн өдөр байлаа. Энэ том холбоонд тулалдаж буй Д.Батгэрэл Аргентиний Гуидо Каннеттиг ялсан юм.

Д.Батгэрэлийн өрсөлдөгч Гуидо Каннетти. Энэ жил 40 настай аргентин эр UFC холбоонд зургаа дахь тулаанаа хийж, 2 ялж, 4 хожигдсон үзүүлэлттэй болжээ.
Д.Батгэрэлийн хувьд UFC холбоонд хоёр дахь тулаанаа хийлээ. Тэрбээр анхны тулаанаа өнгөрсөн оны наймдугаар сард хийж, БНХАУ-ын тулаанч Хэйли Алатенг-д ялагдсан юм.
Д.Батгэрэл Сүхбаатар аймгийн Эрдэнэцагаан суманд төрсөн. Энэ жил 30 настай.
Д.Батгэрэл холимог тулаанаар 2011 оноос хойш тулалдаж буй бөгөөд энэ хугацаанд 7 ялж, 2 хожигдсон үзүүлэлттэй.
Тэрбээр өнгөрсөн оны наймдугаар сард UFC холбоонд дөрвөн тулаан хийх гэрээ байгуулжээ.
UFC 248-д өрсөлдөгчөө эхний үед хүнд цохилтоор ялалт байгуулсан юм.
Д.Батгэрэл “The Hu” хамтлагийн “The Wolf” дууны аян дээр остагонд гарсан билээ.
UFC холбоо 2015 оны долдугаар сараас хойш “Reebok” брэндтэй байгуулсан гэрээний ачаар тамирчид урамшуулал авах болсон билээ. Хоёр дахь тулаанаа хийсэн Д.Батгэрэл 3500 ам.долларын урамшуулал авсан бол түүний өрсөлдөгч нь 5000 “ногоон”-той болсон юм. Ивээн тэтгэгчийн урамшууллыг аварга болсон тулаанч 40 мянга, аваргын төлөө тулалдсан нь 30 мянга, 21 болон түүнээс дээш тулаан бол 20 мянга, 16-20 тулаанд 15 мянга халаасалдаг бол 1-3 тулаан хийсэн бол 3500, 4-5 дахь тулаан бол 4000, 6-10 тулаанд 5000, 11-15 дахь тулаанаа хийж буй тамирчин 15000 ам.доллартай харьдаг.

Сүүлд нэмэгдсэн

“KING TUG”-ийн тулааны тов тодорлоо

Монгол Улсын гавьяат тамирчин, сонирхогчдын боксын олимп, дэлхийн мөнгөн медальт “King TUG” Нямбаярын Төгсцогт мэргэжлийн рингэн дэх ээлжит тулаанаа 2021… Дэлгэрэнгүй …

“Токио-2020” олимптой холбоотой 100 баримт 76-100

Токио-2020 олимпийн наадмыг зохион байгуулах Япон улс болон олимпийн тухай “Таны мэдэх ёстой 100 баримт”-ын хоёр дахь цувралыг хүргэж байна…. Дэлгэрэнгүй …

UFC VEGAS 26: Доналд “Ковбой”Серроне хоёр жилийн дараа дахин ялах уу?

UFC-тэй хийсэн гэрээнд заасны дагуу сүүлийн удаа тулалдахаар бэлтгэж байсан Диего Санчесийн гэрээг холбооноос өнгөрсөн долоо хоногийн сүүлээр цуцалсан билээ. Харин түүний өрсөлдөгч… Дэлгэрэнгүй …

Эмэгтэйчүүдийн аваргуудын лигийн финал: Челси – Барселона

УЕФА-гийн эмэгтэйчүүдийн аваргуудын лигийн шигшээд шалгарсан “Челси”, “Барселона”-гийн тоглолт Шведийн Готенбургын “Гамла Уллеви” цэнгэлдэхэд болно. Хоёр багийн аль нь ч… Дэлгэрэнгүй …

Хоккейн өсвөрийн ДАШТ: Хагас шигшээд оролцох багууд тодорлоо

22 дахь удаагийн Хоккейн өсвөрийн ДАШТ АНУ–ын Техас мужид зохиогдож байгаа билээ. Тавдугаар сарын дөрөвний өдөр шөвгийн дөрөвт үлдсэн багуудын… Дэлгэрэнгүй …