Халз тоглолтыг допингийн дуулиан тойрсонгүй

04/28/2021 Нийтлэгч: 481

Варшавт болж буй даамын эмэгтэйчүүдийн дэлхийн аварга цолын төлөө өрсөлдөж буй Тамара Тансыккужина (ОХУ) – Наталия Садовска (Польш) нарын халз тоглолтын үеэр нэгэн шуугиант үйл явдал боллоо. Дэлхийн допингийн эсрэг агентлагч (WADA)-ийн Польш дахь салбараас зохион байгуулагчдад Оросын далбааг ширээнээс холдуулах албан шаардлага хүргүүлсэн байна. Зохион байгуулагчид үүнээс татгалзсан ч шаардлагыг биелүүлээгүй тохиолдолд FMJD-г WADA-гаас хасна хэмээн сүрдүүлжээ. Ингэсэн тохиолдолд Дэлхийн даамын холбооны ОУОХ, Sport Accord зэрэг спортын толгой байгууллагуудтай хамтын ажиллагаа нь автоматаар цуцлагдах юм. Ингээд арга буюу 700 гаруй үзэгчдийнхээ нүдэн дээр, шууд дамжуулалтыг үзэж байсан олон мянган даам сонирхогчдын өмнө ОХУ-ын далбааг FMJD-ийн далбаагаар солихоос өөр аргагүйд хүрчээ. Энэ үйлдэл дэлхийн аварга Т.Тансыккужинагийн сэтгэл санаанд нөлөөлсөн үү яасан тавилын төгсгөлд хүүхдийн гэмээр алдаа гаргаж хожигдох нь тэр.

Тэмцээнийг зохион байгуулагч, FMJD-ийн тэмцээн уралдаан хариуцсан захирлын албыг хашиж асан Яцек Павлицки “Миний амьдралд тохиосон хамгийн хэцүү мөч байлаа. Даамын төлөө үүнийг хийхээс өөр арга байсангүй. Энэ хэцүү байдлыг тэвчсэн Тамарад талархлаа илэрхийлэхийн ялдамд уучлалт гуйя” хэмээн сошиал хуудсаараа дамжуулан мэдэгдсэн. Харин Т.Тансыккужинагийн дасгалжуулагч, дэлхийн 10 удаагийн аварга Алексей Чижов “WADA тэмцээнийг, оролцогчдыг үл хүндэтгэж байна. Тэд Оросын далбааг хориглохоор шийдсэн байсан юм бол яагаад үүнийг тоглолтын өмнө, эсвэл дараа шийдэхгүй тоглолтын дундуур хийж байгаа юм бэ? Допингийн тухайд гэвэл 2008 оноос хойш даамын томоохон тэмцээн уралдааны үеэр сэргээшийн шинжилгээ авсаар ирсэн. Гэхдээ сэргээш хэрэглэсэн ганц ч тохиолдол гараагүй. Бидний зүгээс зохион байгуулагчдад ямар нэгэн гомдол байхгүй, энэ өдрийг хүртэл тоглолт нөхөрсөг уур амьсгал дунд явагдаж байсан” гэж мэдэгджээ.

Дашрамд хэлэхэд нэр бүхий тамирчид нь сэргээш хэрэглэсэн, түүнийг нь ОХУ-ын Үндэсний олимпийн хороо нуун дарагдуулсан үндэслэлээр тус улсын тамирчдыг “Токио 2020”, “Бээжин 2022” олимпийн наадмууд болон тив, дэлхийн чанартай томоохон тэмцээнүүдэд далбааныхаа дор жагсаж, төрийн дууллаа эгшиглүүлэхийг нь хориглосон билээ. Сонирхуулахад WADA-гийн одоогийн Ерөнхийлөгчөөр Польш улсын иргэн Витольд Банька ажилладаг юм.    

Сүүлд нэмэгдсэн

Залуучуудын аварга шалгаруулах тэмцээн 2020 – хоёр дахь өдөр

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” хоёр өдрийн фото агшин. Эмэгтэй:… Дэлгэрэнгүй …

Жүдо бөхийн Залуучуудын УАШТ 2020

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” эхний өдрийн фото агшин. Эмэгтэй:… Дэлгэрэнгүй …

ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны… Дэлгэрэнгүй …

Э.Содномпилжээ, М. Уранцэцэг нарт Монгол улсын хөдөлмөрийн баатар цол олголоо

Монгол Улсын Ерөнхийлөгч У.Хүрэлсүх зарлиг гарган Үндэсний шигшээ багийн тамирчин, “Токио-2020” зуны паралимпын наадмын Пауэрлифтингийн төрөлд дэлхийн дээд амжилтыг шинэчлэн… Дэлгэрэнгүй …

Ц.Сүхбат, Б.Мөнхжин нар түрүүлэв

Улаанбаатар хотын аварга шалгаруулах эрэгтэйчүүдийн 43, эмэгтэйчүүдийн 27 дахь удаагийн зуун буудалт даамын тэмцээн энэ сарын 6-7-ны өдрүүдэд “Монгени” цогцолбор… Дэлгэрэнгүй …