3х3: Бельги, Итали сүүлийн эрхийг атгалаа
Энэ сарын 4-6-нд Унгарын Дебрецен хотод 3х3 сагсан бөмбөгийн Токиогийн олимпод оролцох сүүлийн эрхийн төлөө чансаагаар шигшигдсэн тус бүр зургаан баг өрсөлдсөн юм.
3х3 сагсан бөмбөгийн Токиогийн олимпод оролцох багууд тодорлоо. Сүүлчийн ганц эрхийн төлөө эрэгтэй, эмэгтэй чансаагаар шигшигдсэн тус бүр зургаан баг хүч сорьсон юм.
ЭРЭГТЭЙ
- Бельги
- Унгар
- Словен
- Монгол
- Украин
- Румын
Тибо Вервурт шигшээ тоглолтод есөн оноо авч багаа тэргүүлснээр Бельгийн баг талбайн эзэн Унгарыг 21:14-өөр буулган авлаа. Ийнхүү бельгичүүд Серб, Оросын олимпын баг, БНХАУ, Япон болон өнгөрсөн долоо хоногт олимпын эрхээ авсан Латви, Польш, Нидерландын багийн хамт Токиог зорих боллоо.
ЭМЭГТЭЙ
- Итали
- Унгар
- Тайван
- Нидерланд
- Эстони
- Иран
2018 оны ДАШТ-ээр тодорч, үнэ цэнэтэй тоглогч болж явсан Рае Лин Д’Али дахин нэг удаа багаа аварлаа. Энэ удаад вакцинжуулалтад хамрагдсан олон мянган үзэгч, хөгжөөн дэмжигчдийнх нь өмнө цаг дуусах мөчид оноо авснаар италичууд Токиог зорих багийн тоонд багтлаа. Эмэгтэй багаар чансаагаар БНХАУ, Оросын олимпын баг, Румын, Монгол эрхээ авсан бол өнгөрсөн долоо хоногт Итали, Франц, Японы баг олимпод өрсөлдөхөөр болсон билээ.
ШИЛДГҮҮД
Тус тэмцээний шилдэг тоглогчоор Италийн Рае Лин Д’Али, Бельгийн Рафаэль Богаертс нар тодорчээ. Эмэгтэйчүүдийн шилдгээр тодорсон Р.Д’Али дөрвөн тоглолтод 22 оноо авснаар багаа тэргүүлсэн юм. 163 см өндөртэй итали бүсгүй Унгарын эсрэг шигшээ тоглолтод хожлын оноог авч Токиог зорих сүүлийн эрхийг багтаа авчирсан билээ.
RAE RAE FOR THE OLYMPICS!!!
— 3×3 Basketball | FIBA3x3 (@FIBA3x3) June 6, 2021
🇮🇹Rae Rae calls game to send @Italbasket to the @Olympics with the @Tissot buzzer beater! 😱😱😱😱#3x3OQT pic.twitter.com/MAyAJUFE0z
Эрэгтэй шилдгээр Бельгийн Рафаэль Богаертс хагас шигшээд Монголын багийн эсрэг чухал оноог авч багаа хожилд хүргэсэн. Самбараас бөмбөг авсан тоогоор бүх тоглогчдыг тэргүүлсэн түүний ачаар Бельгийн шигшээ баг олимпыг зорих эрхээ авсан юм.
Rafael Bogaerts with ice in his veins for the @TISSOT buzzer beater to book @belgianlions a place in the #3x3OQT Final! pic.twitter.com/fF0YbH1wti
— 3×3 Basketball | FIBA3x3 (@FIBA3x3) June 6, 2021