Ц.Сүхбат дөрөв дараалан тэнцэв

07/02/2021 Нийтлэгч: 207

Эстони улсын нийслэл Таллин хотноо зуун буудалт даамын насанд хүрэгчдийн дэлхийн аварга шалгаруулах тэмцээн үргэлжилж байна. 20 гаруй орны эрэгтэй 40, эмэгтэй 16 даамчин өрсөлдөж буй тус тэмцээнд манай улсаас гурван тамирчин ухаанаа уралдуулж буй.

Эрэгтэйчүүд дөрвөн хэсэгт хуваагдан өрсөлдөж байгаа бөгөөд “Tallinn group”-т тоглож буй Дэлхийн даамын холбооны мастер Цогтбаатарын Сүхбат (“Монгени” сургууль, “Хасу Мегастарс” клуб) Украины их мастер Юрий Аникеев, Сенегалын их мастер Ндиага Самб, АНУ-ын Олон улсын мастер Кейта Сулеймане, Доминиканы Мартес Дейби нартай дараалан тэнцээд байна. Тэрбээр өнөөдөр дэлхийн дөрвөн удаагийн аварга Александр Шварцман, Зул сарын цахим тэмцээний ялагч АНУ-ын Макенди нартай тоглох хуваарьтай.

Тэмцээний эмэгтэйчүүдийн ангилалд 16 даамчин тойргийн журмаар өрсөлдөж буй. Олон улсын их мастер Мөнхбаатарын Нямжаргал (“Говь-Хангай” мебель, “Алтан хүү” клуб) Беларусийн их мастер Дарья Федоровичид хожигдон гараагаа эхэлсэн ч нутаг нэгт Б.Мишээлийг хожин, Буркина-Фасогийн Ганаме, Латвийн Елена Чеснокова нартай дараалан тэнцжээ. Түүний өнөөдрийн учраа нь түргэн тоглолтын дэлхийн аварга ОХУ-ын Матрена Ноговицына.

Харин 2019 оны Ази тивийн аварга, Олон улсын их мастер Баярын Мишээл (84-р сургууль, “Ирээдүй” клуб) эхний хоёр тоглолтдоо дэлхийн долоон удаагийн аварга Тамара Тансыккужина, М.Нямжаргал нарт хожигдсон. Дээрх хоёр тавилд хоёуланд нь тэнцэх боломж байсан юм. Улмаар Украины их мастер Виктория Мотричко, Польшийн Арлета Флисиковска нартай дараалан тэнцээд байна. Өнөөдөр тэрбээр 2019 оны ДАШТ-ий мөнгөн медальт Ольга Федоровичтой тоглоно.     

Сүүлд нэмэгдсэн

Залуучуудын аварга шалгаруулах тэмцээн 2020 – хоёр дахь өдөр

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” хоёр өдрийн фото агшин. Эмэгтэй:… Дэлгэрэнгүй …

Жүдо бөхийн Залуучуудын УАШТ 2020

Монгол улсад жүдо бөх үүсч хөгжсөний 50 жилийн ойн хүрээнд “Залуучуудын аварга шалгаруулах тэмцээн 2020” эхний өдрийн фото агшин. Эмэгтэй:… Дэлгэрэнгүй …

ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны… Дэлгэрэнгүй …

Э.Содномпилжээ, М. Уранцэцэг нарт Монгол улсын хөдөлмөрийн баатар цол олголоо

Монгол Улсын Ерөнхийлөгч У.Хүрэлсүх зарлиг гарган Үндэсний шигшээ багийн тамирчин, “Токио-2020” зуны паралимпын наадмын Пауэрлифтингийн төрөлд дэлхийн дээд амжилтыг шинэчлэн… Дэлгэрэнгүй …

Ц.Сүхбат, Б.Мөнхжин нар түрүүлэв

Улаанбаатар хотын аварга шалгаруулах эрэгтэйчүүдийн 43, эмэгтэйчүүдийн 27 дахь удаагийн зуун буудалт даамын тэмцээн энэ сарын 6-7-ны өдрүүдэд “Монгени” цогцолбор… Дэлгэрэнгүй …